شعب تافه

بقلم صلاح محمود

حنكسب الجزائر اتنين ولا تلاته طيب لو كسبنا اتنين ايه الى حيحصل
طيب حنلعب مباراه فاصله فى السودان ولا غانا طيب ماكنا نخنار السعوديه

فى مصريين كتير هناك.
هو ده الموضوع اللى شاغل الشعب دلوقتى طبعاً فى فرق لما نقول شعب ولما نقول جماهير
تقولى ازاى
اقولك انك ممكن تكون جمهور لما تقعد تتفرج
لكن لما تحب تكون محسوب على الشعب يبقى لازام تفوق وتعرف ايه اللى بيحصل حواليك
مع انى مستبعد الموضوع ده.
طبعاً لما يكون فى مؤتمر مهم زى مؤتمر الحزن الوطنى (الحزب الوطنى سابقاً)

وبالمناسبه شعار المؤتمر اسمه من اجلك انت يعنى الناس تاعبه نفسها ومعطله شغلها
وده كله من اجلك انت
جمال من اجلك انت
فساد من اجلك انت
سرقه من اجلك انت
... .... من اجلى انا
بس والله فعلاً الناس دى بتقول حكم
نرجع لموضوعنا
لما البلد تكون بتتورث واحنا قاعدين بنفكر حنكسب الجزائر ولا لأ
نبقى بصراحه ومين غير زعل شعب تافه ويستاهل اللى حيحصله
واكتفى بهذا القدر
لانى بصراحه متأكد ان مفيش فايده على رأى عمنا سعد زغلول.