هدى ام السرعه

كل عيل فرفور دلوقتى او موظف حكومى او شاب عاطل او مسجل خطر
راكب مكنه صينى (موتسكيل)

بتعته او سارقه المهم عاملك فيها مايكل شوماخر

مع الفارق ان مايكل شوماخر بيمشى على على حلبات مخصصه للسابق

اما شوية العيال بتوع المكن الصينى بيمشى على طريق لا يصلح الا للعجل (الدراجات الهوائيه)

وتروح تنصح واحد من دول تقوله السرعه دى خطر عليك
وكمان خطر على الناس اللى ماشيه فى الشارع تلاقيه بيرد عليك بكل ادب ويقول (وانت مال اهلك)
انا ماشى فى شارع الحكومه.
طيب ياسيدى الطريق اللى انت ماشى عليه وبتقول طريق الحكومه
رغم ان معلوماتك غلط لان الطريق ده ملك لكل الناس بس حرد عليه بنفس اسلوبك
الطريق ده انت لوحدك اللى بتمشى عليه ولا فى بشر تانيه
طبعاً فى ناس تانيه ابرياء بيروحو فى حوداث مبيكنش ليهم ادنى ذنب
غير ان نصيبه الاسود وقعه فى طريق واحد زيك.
وفى الاخر بيكون عندنا ضحيتين الاول ضحية الاستهتار واللامبالاه والفساد
الذى سمح بدخول هذه الموتسكيلات التى لاتناسب اطلاقاً مع الاجوء المصريه
من حيث الطرق التى لاتسوعب هذه السرعه العاليه
ومن حيث العقليه المصريه التى لاتتناسب مطلقاً
مع التعامل مع هذه الاله
ومن حيث رداءة التصنيع فهل يعقل ان سلعه بهذه الامكانيات
يبدء سعره من 2400 جنيه !
والضحيه التانيه بيكون ملوش ذنب الا انه مصرى

طبعاً موضوع المكن الصينى اصبح ظاهره فى الشوراع المصريه
واللى بيساعد فى انتشاره شوية الحراميه اللى بيسمو نفسهم مستوردين
بالرغم انى مش عارف مين بالظبط اللى ورا المستثمرين دول بس
القاعده فى مصر بتقول ان كل شوية حراميه زى دول بيرأسهم حرامى كبير
واللى على راسه بطحه.