الاله القديم والاله الجديد وحلم التغيير

(انهم يصنعون اله جديد اسمه البراداعى)
ده عنوان احد التدوينات واللى كان بمناسبة عودة البرادعى الى القاهره والاستقبال الضخم اللى كان موجود فى مطار القاهره من ساسه كبار وشباب المعارضه الجدد وفنانين وصحافيين وعامة الناس
(موت الاله)
وده عنوان تانى لمقال لابراهيم عيسى بمناسبة موت الرئيس او شائعة موت الرئيس كما عرفت فيما بعد طبعاً ابراهيم عيسى اتحكم عليه بالسجن بسب المقاله دى لكنه حصل على عفو
رئاسى او الهى مش حتفرق كتير مادام مصر لازام يكون اللى بيحكمها اله
بعد ماشوفنا العنوانين فى سؤال سخيف دار فى دماغى
هو احنا فى مصر محتاجين نغير مبارك كأسم ؟ ؟ ؟ انا واحد من الناس بؤمن ان المشكله
مش مشكلة اسم المشكلة ابعد من كده بكتير يعنى لو انتخبنا البرادعى وكان فى انتخابات
حقيقيه مش المسلسل بتاع كل 5 سنين ونجح البرادعى صدقونى كلها كام شهر واحنا
حنصنع منه فرعون واله و مبارك جديد لأن النفاق والجهل الموجدين فى البلد مش يصنع فى مصر كل 28 سنه اله ده ممكن يصنع كل يوم اله جديد
التغيير الحقيقى هو ان الناس تتغير وتنتخب الحريه والعدل والمساواه مش تنتخب مبارك او البرادعى او حتى ايمن نور هو ده التغيير اللى انا بحلم بيه وعشان كده حنتخب مصر مش حد تانى