من رئاسة مصلحة البريد الى عضو فى مجلس الشعب عن دائرة ابوكبير الى وزارة التضامن الاجتماعى( التموين _الشئون الاجتماعية ) ومن ازمة رغيف العيش الى ازمة امبوبة البوتجاز الى ازمة المولود الثالث .
انه سيادة الوزير على مصليحى وزير التضامن وعضو مجلس الشعب عن مدينتى ابوكبير حالياً ورئيس هيئة البريد سابقاً وهو نفسه صاحب الفضل فى كل الازمات التى اثيرت فى عهده ومن هيئة البريد ابدء والحق يقال ان مصلحة البريد شهدت طفرة كبيره جداً فى عهد الرجل لكنى حتى الان مازالت اتسائل ماعلاقة البريد بالتموين ؟ !
فى انتخابات مجلس الشعب 2005 فاز الرجل بمقعد ابوكبير بعدما خاض الانتخابات على قائمة الوطنى وهنا حقق فوز كبير على الدكتور سيد عبد الحميد النائب السابق للأخوان وبعد اقل من شهرين من فوز الرجل فى الانتخابات تم اختيارة وزير للتموين ضمن الحكومة الجديدة
شخصياً كنت من المتفائلين بسيادة الوزير ومتحمساً له فلأول مره يكون نائباً بدرجة وزير لكن وبعد مرور خمس سنوات اكتشفت انى كنت مخطأ وان الانجاز الوحيد الذى حققه سيادة الوزير هو بطاقة التموين الذكية كما تسميها الحكومة والبطاقة الكمبيوتر كما يعرفه الناس(يعنى هى منظره وخلاص) وايضاً الانجاز الوحيد اللى عمله كنائب خلال الخمس سنين اللى فاتت هى تجديد مداخل ومخارج مدينة ابوكبير
نيجى للنكبات اللى حصلت فى عهده بداية من ازمة العيش واللى بصراحه ولاول مره نشوف ان الناس بتموت بعضها عشان رغيف عيش مخبوز بقمح مسرطن جاى من روسيا
وبعدين ازمة امبومبة البوتجاز واللى وصلت تمنها الى 50 جنيها يعنى عشر اضعاف تمنها واللى خلت المصريين يرجعوا للعصر الحجرى ويستخدمو الحطب بدل الغاز وسلملى عليه (اقصد الغاز المدعم اللى رايح اسرائيل ) بس والله حرام يعنى الفلسطنين يموتوهم واحنا كمان نبصلهم فى شوية الغاز
واخيراً ازمة المولود الثالث يعنى اى حدي يتخبط فى عقله ويخلف 3 عيال يبقى هو اللى جابه لنفسه والعيل التالت مش محسوب على الدولة . !
الكلام ده مش جديد بس الجديد ان الناس نسيت واحنا داخلين على انتخابات مجلس شعب
والمصليحى حيدخل على قوائم الوطنى مرة تانيه لكن السؤال هو حينجح ؟ ؟ ؟
ليست هناك تعليقات:
إرسال تعليق