قبل ماتطلب من الناس تحترمك احترم انت نفسك وقبل ماتفكر انك اذكى انسان فى العالم تأكد انك اغبى واحد فى الكون هى دى القاعده اللى لازام تعيس بيها خاصة وانت بره مصر لانك قبل ماتسىء لنفسك بتسىء لينا كلنا يعنى كل مصرى عايش بره هو واجهه لمصر حتى ولو كان مجرد عامل بسيط لانه بيساهم فى نقل صوره سواء بالسلب او الايجاب عن المصريين .
انا قعدت اسأل نفسى عن المعاملة السيئة للمصريين بره وخاصة فى الخليج بأستثناء الامارات وبالمناسبة انا اتعاملت مع الاماراتين عن قرب لاقيت انهم شعب قمة فى كرم الضيافه والادب والاحترام وفى موقف انى استغربت جداً لما شفته(الموقف ده مش ممكن يحصل فى مصر) لما مواطن اماراتى وقف عربيته الفارهه وركب معاه عاملين مصريين كانو واقفين على الطريق مش لاقين عربيه بعد كده عرفت ان الموضوع ده عادى جداً وهنا عرفت ليه ان الشيخ زايد رحمة الله عليه هو الحاكم العربى الوحيد اللى جميع المصريين بيترحمو عليه .
نرجع للسبب وهنا تلاقى ان المصريين هما السبب عشان كل واحد مصرى يسافر السعودية ولا الكويت تلاقيه شغل شوية الفهلوه مفكر نفسه لسه فى مصر ويبدء ينصب على ده ويكذب على ده ويتعامل مع اهل البلد على انهم مجرد شوية بهايم لايفقهون شىء سوى رعى الغنم هنا بيبدء ياخد على دماغة ومش بس كده لأ وكمان اى واحد اتعامل معاه اصبح عنده انطباع سىء عن كل المصريين يعنى مبدء السيئة بتعم . انا عارف ان فى ناس محترمة كتير عايشين بره مصر وفى الخليج لكن انا بتكلم عن الفهلويين لأن الصوره كل يوم بتسود عن اليوم اللى قبله عشان كده احنا لازام نتغير ونحترم انفسنا انا كنت زمان بستغرب لما اسمع ان فى طلبة سعوديين اعتدو على دكتور جامعى هنا فى مصر لكن بعد ماشوفت الدكتور المصرى واللى كان بيدرس فى جامعة سعودية وهو بيبتز احد الطلبة عشان يديله الدرجة النهائية مقابل فلوس عرفت السبب بعد ماالطالب طلع اذكى منه وسجل المكالمة ونشرة على النت طبعاً الطلبة السعوديين اخدو الدكتور المرتشى على انه صوره لكل الدكاتره المصريين واللى ممكن يبيعوا ضميرهم لأ ومش بس كده ده كمان ممكن ياخدو علي دماغهم مقابل شوية فلوس وشخص واحد غلط اساء لبلد بحاله هو ده الواقع اللى لازام نغيره .
السلام والرحمة....
ردحذفمشكلة الصورة السيئة التي تعطى للعرب والمسلمين ....هي عامة.وليست فقط خاصة بالرعايا المصريين خارج وطنهم . سامحهم الله جميعا يسيئون لكل ما هو عربي أو اسلامي...