طول شهر عيد الام نزل كول تون بامبرز هديه مجاناً
دى رساله دعائيه من فودافون وصلتنى على التليفون والناس كتر خيرهم فى فودافون
بيحتفلو معاناً بعيد الام بس انا شايف اننا كبرنا على الحاجات دى اقصد البامبرز بس مش بامبرز بس المفروض اننا كبرنا على حاجات تانيه اقصد تفاهات الموبايل ماهو مش معقول اتصل بواحد المفروض انه انسان كبير ومحترم الاقيه عاملى كول تون نانسى عجرم ومش عارف ذنب المتصل ايه انا يتصدع بالست نانسى بس الصداع ليه حل شريط اسبرين بجنيه هو صحيح حتتعب شويه عشان تلاقيه بس حتعمل ايه قدرك كده خلصنا من الصداع نروح للملاين اللى بيصرفها المصريين كل سنه على نغمات هيفا ونانسى وتامر وبقية الشله طبعاً ملايين بتروح فى الارض السيد احمد عز المسئول الكبير فى الحزب الوطنى ومحتكر صناعة الحديد فى مصر شايف ان ده دليل على رفاهية المصريين بس انا شايف ان ده دليل على بؤس المصريين ماهو لما يكون عندنا 40% من اجمالى الشعب تحت خط الفقر يعنى عندنا 30 مليون مصر دخلهم يومياً اقل من دولار يومياً يبقى الملايين دى مش دليل رفاهيه ولا حاجه دى دليل على بؤس الشباب اللى اقصى حاجه ممكن يفكر فيها هو انه يغير نغمة تليفونه
فى الاحصائيه الصادره عن المركز القومى للأتصالات بتقول ان الشباب بينقو سنوياً على نغمات
الموبايل 186 مليون جنيه يعنى تقريباً 33 مليون دولار رغم انى شايف ان التقرير ده مش دقيق لسبب بسيط ان التقرير اعتمد على ارقام غير دقيقه لسعر النغمة وذكر ان النغمة بحوالى جنيه ونصف رغم ان السعر الحقيقى للنغمة يصل الى سبعة جنيه مما يعنى ان الرقم الذى ينفقه الشباب فى مصر هو اضعاف هذا الرقم وربما يصل الى مائة مليون دولار سنوياً يعنى نصف مليار جنيه بجد حرام لازام نفوق ومش كل حاجه الحكومه هى السبب احنا كمان عندنا سلوكيات غلط ولازام تتغير ماهو اذا كنا بنصرف المبلغ ده على النغمات يبقى بنصرف اد ايه على المكالمات والمعاكسات والمسابقات الوهميه اللى ملهاش لازامه انا كنت لسه بقرا من شويه رساله من مواطن مصرى نشرت فى جريدة الدستور بيستنجد فيها من مسابقة موبينيل الوهميه بعد ماوصلت فاتورة تليفونه فى شهرين الى 10000 جنيه وللدفع للحبس وأدى اخرة المسابقات ونغمات التليفون .
ليست هناك تعليقات:
إرسال تعليق