فى حلقة امبارح من برنامج مع فاروق جويدة للشاعر الرائع والكبير
فاروق جويدة واللى لأول مره بيظهر على شاشة التلفاز فى برنامج
خاص بيه وبيحمل اسمه بيتكلم فيه عن مصر وهمومها والشباب واحلامهم .
فى حلقة امبارح واللى كان بيتكلم فيها عن سيناء ذلك الجزء الكبير من الوطن
الذى عاد بدم الشهداء واهمله السفهاء الذين يحكمون ويتحكمون فى مصر
لدرجة ان سيناء واللى مساحتها حوالى ربع مساحة مصر بيسكنها 450 الف
فى حيث ان تعداد سكان مصر 80 مليون !
اخر مره زرت سيناء كان فى شهر 10 اللى فات والغريب انى زرت سيناء حوالى
سبع مرات والغريب ان كل مره ماكنتش بقدر اقعد هناك اكتر من 3 ايام لانى كنت
بضايق جداً لما الاقى شباب مصر بيمسحوا بلاط ويغسلوا اطباق وبيبعوا خمور
وكنت بسئل نفسى لو الناس اللى ضحت بدمها كنت تعرف ان حيجى يوم اخواتهم
واحفاده حيـ ولا بلاش مش عايز اكمل السؤال ولا عايز اعرف الاجابه
اخر مره كنت هناك حلفت انى ماعدى قناة السويس الا اذا سيناء كانت للمصريين
فاصل اعلانى :
فى بلد مابتغيرش فيها اى حاجه اوعى انت كمان
تتغير وتبطل تتصفح المدونة
نرجع لجويدة واللى كان بيتكلم عن حلم 3 مليون شاب واللى الدوله تدى كل واحد
5 فددين فى سيناء يزرعهم او يعمل عليهم مشروع الخاص واهوا نبقى استغلينا
الارض وشغلنا الشباب وكمان تكون استراتجيه امنيه لسيناء بدل مااسرائيل و
امريكا قاعدين يتنطتوا علينا كل شويه وعايزين ياخدو جزء من سيناء ويضموه
لغزه وتكون هى دى فلسطين انا شخصيا ماعنديش مانع ان الفلسطنين يقعدو
ويشتغلوا فى سيناء بس بعد ماترجع فلسطين والا نكون شاركنا فى قيام اسرائيل
مرتين مره لما السادات عمل سلام معاهم والتاني لما ندى سيناء للفلسطنين .
نرجع لحلم 3 مليون شاب واللى اتكلم عنه جويدة واللى انا متأكد انه حيفضل
حلم عشان احنا فى مصر بس حتى لو فضل حلم ان فخور بمصر بلدى لان فيها
ناس زى فاروق جويده واللى بفكرهم وثقافتهم واحلامهم وعلمهم حيفتحوا طريق
للتغيير .
نسيت اقولكم ان برنامج مع فاروق جويدة بيتذاع على قناة الحياة يوم الجمعة الساعه
عشره بالليل بتوقيت قاهرة المعز
السلام عليكم.........
ردحذفللأسف الشديد كل البلاد العربية لو عاد شهداؤها لبكو دما على واقع حالها المعاش....هم طردوا المستعمر من الباب .وجاء بعدهم من أعادهم لهذه البلاد من النافذة وعلى طبق من ذهب....تقديري