مبارك مش العادلى

قبل 25 يناير
احد اسباب نجاح الثورة التونسيه كانت حماقة بن على
واقالة وزير الداخليه وبكده اصبح الرئيس وحيداً فى
مواجهة غضب الشارع بعد الانسحاب المبكر للجيش
ورفض قادتة مواجهة المتظاهرين والتصادم معهم
وده درس نتعلم منه ان صمام امان اى نظام ديكتاتورى
بيكون معتمد على الشرطة والجيش
وده يخيلنا نفكر فى وزراة الداخلية والدفاع فى مصر قبل 25
يناير واللى المطلب الاساسى فيها هو اقالة العادلى ودى
حماقة بعيده كل البعد عن النظام المصرى
وانا اراهن لو بن على كلم مبارك كان نصحه باقالة الحكومة
والابقاء على وزير الداخلية والدفاع مع تقديم كبش فداء
محافظ مع وزير مغضوب عليه مع مواطن مختل عقليا
وينتهى الموضوع لحد هنا وتبقى هى دى خلاصة خبرة 30 سنة
نرجع للمعادلة الصعبة واللى بتتكون من رئيس دولة ديكتاتور
اتعلم من اللى قبله ( السادات ) مع وزير
داخلية مطيع ووفى ووزير دفاع ضعيف الشخصيه ومهمش
وتكون النتيجة مبارك وشعب مغيب عفن من الفقر والمرض
والجهل واللى فايق بيكون مطارد او بيشتى فى ابو زعبل او
عايش حياته طريد مشتت . بس ان شاء التغيير قادم
عشان كده لازام نكون صرحا اكتر والمطالبة تكون باسقاط
مبارك مش العادلى ويبقى ده الحل الصحيح لمعادلة اسقاط

الفرعون