المجلس الاعلى للقوات المسلحة بيتابع احداث ليبيا لحظة بلجظة
والحكومة اعدت مجموعات عمل لأعادة المصريين من ليبيا
واللى حسب تصريحات ابو الغيط النهارده انهم مليون و500
الف مصرى موجودين بـ ليبيا
وتم تشكيل مجموعات العمل من الامن القومى والدفاع والخارجية
والطيران والنقل والصحة .
والجيش بيكسف من تواجدة على الحدود مع ليبيا وبيسهل دخول
المصريين والليبيين عبر الحدود
وابو الغيط صرح انه ادى تعليمات للسفارة فى تونس باستقبال المصريين
وتوفير الاعاشة ونقلهم الى مصر عبر شركة مصر للطيران
او شركة الطيران التونسية والكلام دة بالنسبة للمصريين المقيمين
فى غرب ليبيا واللى قدرو يدخلو تونس خلال الايام اللى فاتت
الحمدلله دى خطوات كويسة خاصة انا عندى ثقة كبيرة فى تصريحات
المجلس الاعلى للقوات المسلحة وطبعاً حيكون فى تحركات تانية اذا
حصل اى جديد ده املنا فى شرفاء الجيش المصرى اللى انا بشعر بفخر
بانتمائى ليه
وان شاء الله المصريين كلهم يرجعو وبخير
ليست هناك تعليقات:
إرسال تعليق