الثورة مستمرة

التزمت الصمت الايام اللى فاتت فيما يتعلق بالثورة
المصرية لأسباب عديدة
اهمها ان الشعب اللى ثار واسقط مبارك لايحتاج لـ واصى
عليه فياريت كل واحد يطلع يتكلم باأسمه او بااسم الحركة
او الحزب اللى بيمثله وبس
السبب التانى ان تجاهل مايقال كان افضل بكثير
من الرد عليه والموضوع ده انا اتأكدت منه فعلاً
لما لاقيت نفسى فى موقف مدافع عن وائل غنيم
وعلى احد الصفحات التى تتهمة بالعمالة
وهنا فى كام نقطة عايز اوضحها
النقطة الاولى ان وائل غنيم مش محتاج انا ولاغيرى

ادافع عنه لأن الاشخاص اللى دعت للثورة حب فى

مصر وعملاً على التغيير للافضل لاينتظرون مقابل

بل هم مستعدون لدفع الثمن مهما كان
النقطة التانية اننا المفروض نفكر فى بناء مصر بدل
التشيرت والحظاظة بتوع وائل غنيم
النقطة الثالثة ان الاتهمامات لوائل غنيم اتهامات عبيطة

ومكنش ينفع انها تفرقنا بعد ماجمعنا حب مصر ودم الشهداء
عشان كدة اتمنى اننا نتجاهل كلام كتير اتقال وكلام
كتير لسه حيتقال لأن فى الحالة دى الصمت بيكون
افضل وكمان عشان نقدر نكمل الثورة لأن زى ماانا
مؤمن باأن المشكلة ماكنتش فى مبارك هو كان
رمز لنظام فاسد واسقاط الرمز مش معناه زوال الفساد
ولأن زى ماالوزير فاسد كمان فى موظف بسيط فاسد
الطريق لسه طويل واسقاط مبارك مش هى الفانوس
السحرى اللى حيحل كل مشاكلنا التغيير الحقيقى اللى

بيبدء من عندى وعندك
الثورة مستمرة ولازام تستمر وتكون ثورة عقول قبل
ماتكون ثورة فى الشارع